Skagamenn hafa ætíð lagt mikinn metnað í dagskrá og hátíðahöld í tilefni af þjóðhátíðardeginum 17. júní ár hvert. Dagskráin stendur frá morgni til kvölds og fer fram víða um bæinn þar sem allir finna eitthvað við sitt hæfi. Mikil áhersla er lögð á þátttöku ýmissa hópa og félagasamtaka í dagskrá hátíðarinnar og þá eru íþróttafélögin alltaf áberandi á þessum degi.
Ef þú hefur áhuga á að taka þátt í dagskrá 17. júní á Akranesi með einum eða öðrum hætti þá er þér velkomið að hafa samband við skipuleggjendur hátíðarinnar (info hjá akranes.is ).