Samtök sveitarfélaga á Vesturlandi (SSV)  

Samtök sveitarfélaga á Vesturlandi hafa verið starfrækt frá árinu 1969.

Markmið SSV er m.a. að vinna að hagsmunum sveitarfélaganna á Vesturlandi, einkum í atvinnu-, efnahags, mennta-, skipulags-, samgöngu- og félagsmálum, efla samstarf sveitarfélaganna og auka kynningu sveitarstjórnarmanna og styrkja þjóðfélagslega aðstöðu landshlutans. Samtökunum er ætlað að starfa í samvinnu við Samband íslenskra sveitarfélaga eftir því sem við verður komið.

SSV rekur ráðgjafa- og þróunardeild, samkvæmt samningi við Byggðastofnun, en markmið þessa samstarfs er að stuðla að jákvæðri þróun atvinnulífs á starfssvæði félagsins, bæta almenn búsetuskilyrði á starfssvæði félagsins og byggja upp og miðla þekkingu, reynslu og hæfni á sviði atvinnu- og byggðaþróunar milli Byggðastofnunar og SSV.

Eitt af hlutverkum þessa samstarfs er einnig að stuðla að því að Byggðastofnun og aðrar stofnanir í stoðkerfi atvinnuþróunar hafi sem öflugastan samstarfsaðila á  starfssvæði félagsins (sjá samkomulag um atvinnuráðgjöf).
 

Samtök sveitarfélaga á Vesturlandi

Bjarnabraut 8

310 Borgarnesi

Sími: 437-1318

Netfang: ssv hjá ssv.is

Vefur: www.ssv.is